Këtë fundvit, Jumbo dhe Fondacioni Mane kanë rinovuar hapësirat e argëtimit në qytetin e Shkodrës dhe Lezhës, duke sjellë gëzim dhe kushte më të mira për të vegjëlit.
Fëmijët e shkollës 9-vjeçare “Nënë Tereza” në Lezhë dhe të jetimores “Hans Christian Andersen” në Shkodër do të kenë tashme hapësirat ideale për të luajtur, për t’u argetuar, por edhe për t’u socializuar dhe zhvilluar. Falë mbështetjes së Jumbo-s dhe përkushtimit të Fondacionit Mane, hapësirat e rinovuara të argëtimit vijnë me kushte më të mira dhe të sigurta, si dhe janë moderne dhe plotesisht funksionale.
Almarin Liço, Drejtor Ekzekutiv i Jumbo, i cilëson investimet si dëshmi të punës së bërë për të vegjëlit dhe mirëqenien e tyre, ndërsa nuk ngurron të ndalet në synimin që çon perpara nismat e Jumbo.
“Këto projekte janë pjesë e angazhimit tonë të vazhdueshëm për të përmirësuar jetën e fëmijëve dhe për të kontribuar në krijimin e një mjedisi të sigurt dhe stimulues për zhvillimin e tyre. Synimi ynë është të vazhdojmë të investojmë në të gjitha komunitetet ku veprojmë, duke sjellë ndryshime pozitive dhe afatgjata”, u shpreh Almarin Liço, Drejtori Ekzekutiv i Jumbo.
Këndi i lojërave në shkollën “Nënë Tereza” në Lezhë është transformuar në një hapësirë bashkëkohore, ku fëmijët mund të kalojnë kohën e lirë duke luajtur dhe duke zhvilluar aftësi fizike e sociale. Po ashtu, hapësirat e rinovuara në jetimoren e Shkodrës janë pajisur me elemente të reja si lodra interaktive, mobilje moderne dhe dekorime që krijojnë një mjedis të përshtatshëm dhe mikpritës për të gjithë fëmijët.
“Angazhimi i Jumbo-s dhe Fondacionit Mane reflekton përgjegjësi të lartë sociale dhe vëmendje të shtuar për brezat e ardhshëm. Fëmijët janë e ardhmja jonë dhe ne ndihemi krenarë që mund të krijojmë hapësira që ndihmojnë në edukimin dhe argëtimin e tyre”, thekson Almarin Liço, Drejtori Ekzekutiv i Jumbo.
Grupi BALFIN, përmes Jumbo dhe Fondacionit Mane, punon për përmirësimin e jetës në komunitet. Hapësirat e reja në Lezhë dhe Shkodër janë një hap drejt një shoqërie më të mirë për fëmijët.
