Kampionati shqiptar po lë një shije të hidhur nga java në javë për sa i përket numrit të tifozëve në stadiume dhe sikur të mos mjaftonte vetëm mungesa e dëshirës, është edhe FSHF ajo që i jep një dorë boshatisjes së stadiumeve.
Ky fenomen, u vu re në javën e 11 të Superiores. Nëse të premten kishte disi më shumë tifozë në Shijak dhe në Kamzë, nuk mund të thuhet e njëjta gjë për të shtunën.
Takimi mes Luftëtarit dhe Laçit, ishte vetëm fillimi i stadiumeve të boshatisura dhe shkak për këtë është bërë dënimi i fushës së Luftëtarit.
Shiheshin disa tifozë, të cilët me sa mundeshin po shihnin ndeshjen jashtë rrethimit të stadiumit dhe kjo lë të kuptohet de dënimet që FSHF kolosale të FSHF-së, nuk po i bëjnë mirë futbollit shqiptar.
Edhe në kryeqytet, FSHF-ja kishte menduar që nga ekranet e TV të dëgjoheshin vetëm udhëzimet e trajnerëve, duke qenë se stadiumi “Selman Stërmasi”, është dënuar për shkak të një banderole që tifozët e Partizanit hapën në takimin ndaj Skënderbeut.
Pak më ndryshe ishte situata në Korçë, ku në stadium ishin dikur te 1 mijë tifozë që mbështesnin skuadrën e tyre. Megjithëse korçarët janë në vendin e parë dhe mund të konsiderohet padyshim si surprizë, interesimi i tifozëve ishte i pakët duke e krahasuar me sezonet e tjera, kur tribunat e stadiumit “Skëndebeu” ishin vitrinë për kampionatin shqiptar.
Mirë se vini në Kategorinë Superiore, aty ku në 3 ndeshje ka vetëm 1 mijë tifozë.(Vipsport)
