Anëtarja e Komisionit të Rithemelimit, Edith Harxhi ka folur për zgjedhjen e kreut të PD.
E pyetur se cili do të jetë emri tjetër në garë përveç Sali Berishës, Harxhi tha se shpreson që kandidati tjetër të mos jetë aty thjeshtë për numër, por të ketë garë të vërtetë.
“Unë do të doja të kishte kandidatë të tjerë, por nuk do të dëshiroja që të kishim pikërisht dikë që të vendosej aty për t’i shërbyer zotit Berisha.”
Ndryshe nga hera e kaluar në qershor të vitit të kaluar, ku ajo kandidoi për kreun e PD, ku në garë ishin edhe Lulzim Basha, Agron Shehaj dhe Fatbardh Kadilli, këtë herë Harxhi tha se këtë herë nuk e sheh veten pjesë të garës.
“Partia është në një fazë tranzitore dhe i ka krijuar bazat e rithemelimit. Unë nuk e shoh veten në këto momente si pjesë të kandidimit dhe nuk do të kandidoj”, tha Harxhi.
/a.r
