Zbardhet dëshmia që ka dhënë përpara hetuesve 63-vjeçari me iniciale L.M., ndaj makinës së të cilit u qëllua me armë mëngjesin e së martës në zonën e Liqenit të Thatë në kryeqytet.
Raportohet se para hetuesve, 63-vjeçari, administrator i një shkolle private, është shprehur se autori është rreth 25 vjeç dhe me mjekër. Sipas tij, autori qëlloi direkt me armë.
63-vjeçari mohoi që të njohë atentatorin, teksa ky i fundit u largua në këmbë.
Tre plumba janë qëlluar në drejtim të 63-vjeçarit L.M. Dy prej tyre kapën automjetin tip Benz me të cilin lëvizte 63-vjeçari. Fatmirësisht nga të shtënat nuk pati asnjë të lënduar.
Policia ka ngritur postblloqe për të bërë të mundur kapjen e autorit.
/a.r
