Disa të shtëna janë dëgjuar mbrëmjen e sotme pranë një marketi në Strasburg që shkaktoi vdekjen e një personi dhe la disa të tjerë të plagosur.
Oficerët e sigurisë kanë rrethuar zonën dhe tramvajet janë ndalur, shkruan BBC.
Thuhet se incidenti ka ndodhur afër një marketi që shiten produkte për festën e Krishtlindjeve, në një nga sheshet qendrore, Kleber.
Departamenti francez i zjarrfikësve raportoi për agjensinë e lajmeve Reuters se ka një të vdekur.
Ministria franceze e Brendshme konfirmoi një “ngjarje serioze të sigurisë publike” në Strasburg dhe u kërkoi banorëve të qëndronin në ambiente të mbyllura e të sigurta.
Të shtënat u dëgjuan në marketin e Krishtlindjeve në Strasburg, që vizitohet nga milionë turistë cdo vit.
“Të shtëna në qendër të Strasburgut. Cdo njeri duhet të qëndrojë në shtëpi dhe të presë për një sqarim të situatës”,shkruajti nënkryetari i bashkisë së Strasburgut, Alain Fontanel në Twitter. Mediat e huaja raportojnë se mund të jetë një sulm terrorist, por mbetet për tu konfirmuar
a.çupaj
