Një person është plagosur me armë zjarri, në afërsi të banesës së tij në Selenicë.
Ngjarja e rëndë është shënuar rreth orës 11:45 të ditës së sotme.
Në rrethana ende të paqarta Jetnor Xhaferraj, rreth 50 vjeç, dyshohet se pranë banesës së tij është plagosur me armë zjarri në dorë.
Ai është dërguar në spital për marrjen e ndihmës së nevojshme, ku dhe ndodhet jashtë rrezikut për jetën.
Aktualisht shërbimet e policisë dhe grupi hetimor ndodhen në vendin e ngjarjes dhe po kryejnë veprimet për zbardhjen dhe sqarimin e rrethanave të ngjarjes.
