Dy persona kanë mbetyr të plagosur pas të shtënave me armë zjarri brenda një lokali pasditen e sotme në Vlorë. Ngjarja ka ndodhur rreth orës 18:20 minuta në lagjen ‘Kushtrimi’.
Të plagosurit, njëri prej të cilëve është 23-vjeç janë dërguar në spital. Dy personat nga të dhënat e para mësohet se kanë lidhje me njëri-tjetrin.
Ende nuk dihen motivet e kësaj ngjarje, ndërsa policia ka nisur hetimet për të zbuluar dhe arrestuar autorin që qëlloi me kallashnikov në lokal duke i lënë të plagosur.
Të shtënat me armë kanë shkaktuar panik dhe frikë te personat e tjerë që ndodheshin në lokal. /e.s/
