Të shtëna me armë zjarri janë regjistruar paraditen e sotme në Orikum të Vlorës. Mësohet se dy persona, banorë të zones, janë përfshirë në konflikt me 32-vjeçarin Dean Kapaj, të cilin e kanë goditur në kokë me qytën e pistoletës. Ata janë konfliktuar fillimisht me sende të forta, dhe më pas kanë qëlluar me armë zjarri në ajër.
Sakaq, i plagosuri është nisur menjëherë drejt spitalit të Vlorës. Ndërsa policia ka gjetur nërsa policia ka gjetur në vendngjarje dy gëzhoja.
Ende nuk është i qartë motive i këtij konflikti, ndërkohë dy autorët e kësaj ngjarje janë larguar menjëherë nga vendi i ngjarjes.
Sipas Policisë dy autorët janë identifikuar, por për arsye hetimi nuk bëhet i ditur identiteti i tyre.
Policia gjithashtu ka ngritur grupe kontrolli dhe po punon për kapjen e tyre.
Informacioni i policisë:
Rreth orës 11:00, në aksin rrugorë Orikum-Vlorë, pranë vendit të quajtur “Nënstacioni i Radhimës” dyshohet se si pasojë e një konflikti ka mbetur i plagosur lehtë me sende të forta shtetasi D.K., 32 vjeç, banues në Radhimë dhe ndodhet jashtë rrezikut për jetën.
Policia ka identifikuar dy autorët e ngjarjes të cilët për arsye hetimi nuk bëhen të ditur për momentin.
Janë organizuar grupe të posaçme policore të cilat janë shpërndarë në qytet me qëllim kapjen e autorëve.
Sektori i Hetimit në bashkëpunim me Komisariatin Vlorë vazhdojnë hetimet e mëtejshme për sqarimin e rrethanave të ngjarjes. /e.s/
