Të shtëna me armë janë regjistruar në Shkodër, ku dritarja e një banese është thyer nga plumbi i armës.
Sipas të dhënave të para të korrenspondentes së Klan News në Shkodër, Emi Kalaja, plumbi ka përfunduar në xhamin e dritares së një banesë në lagjen “Skënderbeg”.
Në momentin e ngjarjes, brenda shtëpisë kanë qenë banorët. Fatmirësisht nuk ka të lënduar.
Policia ka shkuar në vendngjarje dhe po heton për të identifikuar personin që qëlloi me armë dhe shkaqet.
/a.r
