Një person i armatosur i paidentifikuar qëlloi disa herë drejt Ambasadës së Shteteve të Bashkuara të Amerikës në kryeqytetin turk, Ankara nga një makinë në lëvizje, duke shkatërruar një dritare. Policia po kërkon të dyshuarin. Fatmirësisht askush nuk u plagos gjatë sulmin, raportojnë mediat lokale.
Të shtënat ndodhën rreth orës 5:00 me orën lokale. Pesë ose gjashtë të shtëna armësh u dëgjuan pranë kabinës së rojës së sigurisë në portën 6 të ambasadës. Ato erdhën nga një makinë e bardhë që kaloi dhe u arratis para se të fiksohej targa e saj.
Policia ka shkuar në vendin e ngjarjes dhe kërkimi për makinën dhe të arratisurit po vazhdon.
Sulmi vjen në një kohë kur marrëdhëniet midis aleatit të NATO-s, SHBA-ve dhe Turqisë po përkeqësohen me shpejtësi pas arrestimit të pastorit amerikan Andreë Brunson në Turqi.
Brunson akuzohet se ka ndihmuar përpjekjen e grushtit të shtetit në vitin 2016 dhe mund të dënohet me 35 vjet burg. SHBA-të kanë vendosur sanksione ndaj ministrave turk të drejtësisë dhe atij të brendshëm, dhe presidenti i SHBA Donald Trump nxiti tarifat për importin e aluminit dhe çelikut.
Presioni ekonomik dërgoi monedhën kombëtare turke, lirën, drejt një kursi të pashembullt. Presidenti turk Rexhep Tajip Erdogan ka akuzuar Uashingtonin për sulme të qëllimshme ndaj ekonomisë së Ankarasë dhe i kërkoi popullit të tij të heqë dollarin në favor të lirës.
