Zbardhen detaje të reja nga vrasja e 31-vjeçarit me të shkuar kriminale, Tauland Gjikaj (Beqiraj, Manaj), mesditën e djeshme, në Vlorë. Uniformat blu të qytetit bregdetar kanë identifikuar dy personat e shpallur në kërkim, si bashkëpunëtorë në krimin e rëndë.
Kështu, janë shpallur në kërkim shtetasit Skedjan Gabrani dhe Elton Hajnaj, të cilët kanë ndihmuar autorin e krimit, 44-vjeçarin Hansi Jonuzi, në vrasjen e 31-vjeçarit. Gjithashtu, gjatë kontrollit në vendngjarje, policia gjeti dhe sekuestroi 3 gëzhoja pistolete dhe 1 kapuç.
Mësohet se pista kryesore mbi të cilën po hulumtojnë hetuesit është ajo e prishjes së pazareve të drogës. Gjikaj ishte një person me precedent të mëparshëm penali, i arrestuar për armëmbajtje pa leje gjatë një konflikti me armë mes bandave në qytetin e Vlorës në vitin 2017.
Policia ka ndaluar 12 persona si të dyshuar në vrasjen e Taulant Gjikajt, ndërkohë që ka shpallur në kërkim dy persona të tjerë.
g.kosovari
