Nga Dritan Hila
Është e disata herë që Berisha i sulet me sharje SPAK-ut dhe prokurorëve të tij. Një strategji kjo po aq e vjetër sa ai.
Synimi është sa i thjeshtë, aq edhe produktiv në të shkuarën:
Pa analizuar faktet dhe akuzat, mobilizon militantët dhe ngjall dyshime për vërtetësinë e akuzës tek opinioni asnjanës.
Zhvlerëson mediatikisht akuzat.
Tremb prokurorët dhe gjykatësit, të cilët dikur ishin të varur tërësisht nga politika.
Mirëpo, si gjithçka e vjetruar te Berisha, edhe kjo strategji është e tejkaluar nga koha, pasi opinioni publik është më analitik se dikur që i mjaftonte berihaji i liderëve për ta marrë të pastër si kristali shefin e tyre. Fundja 17 kulla nuk futen në xhep.
Së dyti, militantët e dinë që komunizmi ka marrë fund edhe aty ku lindi. As Putini nuk e përmend më. Ndaj nuk duan të shkojnë në luftë shesheve e rrethqarkullimeve duke u kacavjerrë në helikat e mullinjve të erës.
Së treti, por më e rëndësishmja, prokurorët tashmë varen nga dikush tjetër, d.m.th as nga Rama e as nga Bajrami, ndaj nuk mundet ta ndihmojnë.
Berishë, shpik ndonjë gjë tjetër, përndryshe mbete në katin e tetë. (Dritare.net)
