Trajneri i Real Madridit, Zinedine Zidane, kishte thënë të premten se Cristiano Ronaldo është i zemëruar me faktin se ka shënuar vetëm dy gola në ligë, shifrën më të vogël të golave që kur u transferua në vitin 2009 te Reali. Ronaldo atë zemërim e shfaqi të shtunën në fushë në kurriz të Alavesit. Realizoi “hat-trick” ndërsa Reali fitoi 4:1, përcjell Koha Ditore.
Dy gola i shënoi për 33 minuta, ndërsa realizoi të tretin dy minuta pa përfunduar koha e rregullt në fitoren e Realit në udhëtim. Po ashtu në pjesën e dytë humbi edhe një penallti.
“Unë nuk kam asgjë për të thënë për Cristianon. Ai flet vetë në fushë”, ka thënë Zidane për faqen zyrtare të klubit. “Është fenomenale që ai ka shënuar dhe fakti se ka shënuar tre gola është edhe më mirë. Jemi të lumtur me performancën e tij. Ai ka qenë i mirë në çdo aspekt. Shpresojmë të vazhdojë me këtë ritëm. Ai ka shumë durim dhe e ka treguar se me punë të madhe çdo gjë është e mundur”…(b.an)
