Të paktën pesë persona rezultojnë të vdekur pas fundosjes së një anije me migrantë në brigjet e Libisë, njoftoi sot në një deklaratë Marina Italiane, që mundësoi shpëtimin e më shumë se 550 personave.
Në një deklaratë të publikuar disa orë më parë, marina konfirmoi shtatë trupa të pajetë dhe rreth 500 persona të shpëtuar.
Bilanci i fundit ka gjasa të përkeqësohet, Marina bëri me dije se operacionet e shpëtimit po vijojnë misionin e tyre.
Sot në mëngjes, anija e patrullimit ”Bettica” e marinës identifikoi në brigjet e Libisë një varkë që po lundronte në mënyrë të dyshimtë me një numër të konsiderueshëm personash në bord. (javanews.al / r.a)
