Të paktën 13 persona u shtypën për vdekje ose u asfiksuan ndërsa u përpoqën të iknin nga një klub nate, në kryeqytetin e Perusë, Lima.
Njerëzit u sulmuan fillimisht nga policia, sepse kishin shkelur kufizimet e vendosura për të luftuar pandeminë e koronavirusit, thanë zyrtarët.
Të paktën gjashtë prej tyre u plagosën, duke përfshirë tre oficerë policie.
Rreth 120 njerëz u përpoqën të largoheshin nga klubi i natës “Thomas Restobar” të shtunën kur policia arriti të futej në katin e saj të dytë, për t’i shpëtuar ndoshta arrestimit, – tha policia kombëtare dhe zyrtarët e qeverisë.
Fqinjët kishin njoftuar policinë në lidhje me ngjarjen në klubin e njohur të kryeqytetit peruan.
“Në këto rrethana kur njerëzit u përpoqën për të dalë jashtë, gjithçka u kthye në një skenë tronditëse. Të gjithë kundër njëri-tjetrit,” i tha Orlando Velasco, shefi i policisë, radios lokale RPP.
Një deklaratë e Ministrisë së Brendshme thoshte se njerëzit u përpoqën të dilnin masivisht nëpër derën e vetme të hyrjes dhe u bllokuan në një shkallë, që të nxirrte në rrugë.
Policia arrestoi të paktën 23 persona, tha ministria.
Peruja urdhëroi mbylljen e klubeve të natës dhe bareve në mars dhe i ndaloi më 12 gusht ato të organizonin mbrëmje apo festa.
KJo masë erdhi me qëllim për të luftuar atë që është shkalla e dytë më e lartë e infeksionit të COVID-19 të Amerikës Latine, sipas një raporti të Reuters.
Peruja numëron gjithsej 585.236 raste të koronavirusit nga e shtuna, dyfishi i numrit të raportuar më 2 korrik, ndërsa numri zyrtar i vdekjeve është rritur në 27.453 vetë. Vendi latin po planifikon edhe izolimin.
