Historia që vjen në “Ka Një Mesazh Për Ty” këtë të diel ka nisur 4 vite më parë kur Rukija i kërkoi rubrikës të së “Dielës Shqiptare” në Tv Klan që të gjente vajzën e saj. Bëhet fjalë për Lindën, vajzën që për shkak të rrethanave, moshës së re e varfërisë, Rukija u detyrua ta braktiste. Ajo nuk ka ditur asgjë për fatin e së bijës për plot 29 vjet, por e ka menduar çdo ditë, edhe pse ka krijuar një jetë tjetër.
Linda u birësua në moshën 3-vjeçare nga një familje në Francë që i ka dhënë gjithë dashurinë e mundshme. Babai birësues, Filipi, e ka shoqëruar për të mësuar historinë dhe për të takuar nënën biologjike. Linda ka qëndruar deri në këtë moment pas murit në studio duke dëgjuar rrëfimin e Rukijes, e përlotur dhe e prekur, pa mundur ta shohë ende.
Rukija nuk e ka ditur këtë derisa Ardit Gjebrea e njofton se në publik ndodhet Filipi, i cili dëshiron ta njohë dhe e takon. Ata ndodhen pranë njëri-tjetrit dhe është momenti që nënë e bijë, të ndara prej vitesh, të shihen për herë të parë, në një moment që duket sikur koha ndal.
E përlotur, Linda thotë e përlotur se ç’mendon për gjithë situatën.
“Jam e lumtur që njoha pak më shumë historinë time. Nuk di çfarë të them”, ndërsa më pas shkon drejt Rukijes për ta përqafuar.
