David Kamerun do të japë dorëheqjen si kryeministër i Britanisë së Madhe ditën e mërkure. Pasuesja e tij do të jetë Theresa May.
Sekretarja e Brendshme e Britanisë mbeti sot kandidatja e vetme për të zëvendësuar kryeministrin e tanishëm të këtij vendi. Arsyeja është se anëtarja e Parlamentit të Britanisë së Madhe, Andrea Leadsom, kandidate për kryeministre u tërhoq nga gara pasi nuk ka mbështetje të gjerë në parti.
Duke folur për mediat Kamerun tha se, “do të japë dorëheqjen e tij si kryeministër në Buckingham Palace”. Ai është kryeministër i vendit që nga viti 2010 dhe shpalli dorëheqjen pas votimit pro të daljes së Britanisë së Madhe nga Bashkimi Europian. Kamerun shtoi se do të mbledhë për herë të fundit kabinetin ditën e martë.
ma.me
