Manushaqe Picari, e shoqja e Mexhit Picarit, që vrau me 5 plumba ish-dhëndrin e tij mesditën e të premtes ka ngritur gishtin e akuzës tek autoritetet e drejtësisë, si fajtore për ngjarjen e rëndë që ndodhi në familjen e saj.
“Kur dhunohet një grua, në vend të futet në burg burri, kanë fut gocën”, tha ajo për mediat këtë të shtunë, duke dhënë detaje të reja se çfarë kishte ndodhur para krimit.
“E mora e përqafova dhëndrin i thashë të lutem o Kudret mos mu ndaj me gocën të kam si djalin tem i thashë”, u shpreh ajo, duke treguar se kanë kërkuar që marrëdhëniet mes çiftit të ndreqeshin.
Manushaqe Picari tha se viktima, Kudret Saliaj i kishte kërcënuar familjarisht edhe pak ditë para krimit.
Mësohet se ajo është larguar për shkak të frikës nga banesa ku jetonte me vajzën dhe burrin, të arrestuar tashmë për krimin.
/b.h
