Besnik Mustafaj, një nga anëtarët e Komisionit të Vlerësimit të Kandidatëve në PD, ka folur së fundmi në lidhje me rikandidimin e Sali Berishës dhe rikthimin e figurave të larguara të kësaj partie.
I pyetur nëse ish kryeministri Sali Berisha mund të jetë në listë, Mustafaj tha se ish kreu i qeverisë ka bërë denoncime të guximshme për drogën dhe fenomene të tjera të pushtetit të Edi Ramës dhe ndaj ka kontribut në PD.
Ndërsa foli për rikthimin e Jozefina Topallit, ku theksoi se figurat e larguara e kanë derën e hapur.
“Unë jam një nga kritikët e Sali Berishës që më 2007. Por, në kohën që ai është në opozitëë, Berisha ka dhënë kontribut të cmuar në opozitarizëm. Berisha denoncoi drogën, denoncoi një sërë skandalesh. Në këtë kuptim, Sali Berisha ka kontribut në Partinë Demokratike. Në cilësinë e Berishës si deputet, ai mund të themi ka kontribut. Unë jam ndër të parët që kam kthyer disa figura sërish në PD. Unë besoj se të zemëruarit e ikur edhe mund të kthehen. Unë e shoh si një nxjerrje mësimi të atyre që afrohen. Perderisa s’jane afruar ne asnjë parti tjeter…Këta e kanë më te lehtë dhe duhet ta gjejnë më lehtë derën e PD.
Jozefina Topalli përshembull ka pasur kritika për PD, por është e lidhur me Partinë Demokratike. Ajo mund të jetë propozuar në Shkodër. Kur bashkëvepron eksperienca me të renë, besoj se bëhet dicka e mirë. Rama ka bashkëpunëtor figura që janë të reja, por janë një lloj klani le ta themi. Shoqëria ka eksperiencën për të gjykuar drejt programin tonë dhe kandidaturat”, deklaroi Mustafaj në News 24.
/e.rr
