Vendoset në prangat e policisë burri që u denoncua disa ditë më parë në një emision televiziv për ngacmim seksual ndaj të miturave.
Ai u përpoq të përfitonte prej gazetares së infiltruar, pavarësisht se ajo i tha se ishte e mitur. Madje, ka udhëtuar disa herë nga Lezha duke i demonstruar asaj një karakter pervers dhe pse jo, të rrezikshëm.
Policia Lezhë ka ndaluar, për veprat penale “Ngacmimi seksual” dhe “Vepra të turpshme” K. Gj., 45 vjeç, banues në fshatin Tale, person me precedent të mëparshëm penalë në fushën e vjedhjes.
Vijojnë hetimet për verifikimin dhe dokumentimin e rasteve të tjera të kësaj veprimtarie kriminale, që mund të jenë kryer nga ky shtetas.
Materialet procedurale iu referuan Prokurorisë pranë Gjykatës së Rrethit Gjyqësor Lezhë, për veprime të mëtejshme.
/a.r
