Të hënën do të mbahet seanca e radhës e Parlamentit Europian, ku do të vendoset për liberalizimin e vizave për Kosovën, Ukrainën dhe Gjeorgjinë.
Gjasat për Kosovën, sipas dtt-net, janë shumë të vogla, pasi shumica e shteteve anëtare të BE-së nuk janë duke shfaqur interes për të liruar qytetarët e Kosovës nga vizat.
“Shumica e vendeve anëtare të BE-së ‘nuk po tregojnë interes që të heqin vizat së shpejti për Kosovën’”, thuhet nga ky burim i kësaj medie, transmeton Koha.net.
Më tej thuhet se vizat do të vonohen për shkak të nivelit të lartë në korrupsion e krim të organizuar dhe mosratifikimit të marrëveshjes për shënjimin e kufirit me Malin e Zi.
Nga këto tri vende, sipas medieve ukrainase, me gjasa më të mira dhe konkrete për liberalizim është Ukraina, kurse Kosova dhe Gjeorgjia duhet të presin ende. (b.an)
