Polemika e parë shpërtheu në Itali, kur u kuptua se rezervat e materialit mbrojtës personal, nga maska deri te dezinfektuesit, nuk ishin të mjaftueshme për të ndaluar përparimin e koronavirusit në spitale. Kur qeveria e Italisë kërkoi ndihmë nga vendet e Bashkimit Europian, askush nuk u përgjigj. Dhe prej andej nisën polemika të reja, me akuza kundër Evropës së zakonshme “egoiste”.
U desh shpërthimi i pandemisë në të gjithë kontinentin për të zbuluar se nuk bëhej fjalë për egoizëm, por për mungesa të stoqeve: që nga Spanja në Francë, duke kaluar nër Belgjikë, ku qeveritë europiane përfunduan në qendër të kritikave të mjekëve dhe opinionin publik. Të gjitha qeveritë përveç njërës: asaj të Finlandës.
Po, sepse sipas një dokumenti të brendshëm të Komisionit Europian, i cili qarkullon nën autoritetin e Presidentes Ursula von der Leyen, rezulton se në Bashkimin Europian, për sa i përket disponueshmërisë së materialit mbrojtës personal, dezinfektues dhe sende të tjera sanitare, ka mungesa në 26 shtete anëtare. Vetëm Finlanda aktualisht raporton se ka furnizime të mjaftueshme.
“Shumica e shteteve anëtare aktualisht po punojnë për të rritur prodhimin dhe disa vende po marrin ose po planifikojnë të marrin furnizime nga Kina në ditët në vijim, njofton Komisioni. Duke pasur parasysh mungesën e këtyre artikujve, ekzekutivi i BE-së filloi katër procedura të blerjes bashkë me shtetet anëtare”, thuhet në dokument.
Me 28 Shkurt, nisi thirrja e parë për furnizimin nga Partitë Popullore Europiane dhe më 17 Mars, Komisioni bëri një thirrje tjetër, për kategoritë e tjera të materialit mbrojtës. Për Komisionin, “këto blerje të para të përbashkëta kanë dëshmuar të jenë të suksesshme: që nga 24 marsi, prodhuesit kanë paraqitur oferta të cilat kanë mbuluar, dhe në disa raste tejkaluar, sasitë e kërkuara nga 25 shtetet anëtare që morën pjesë në procedurë, për secilin nga kategoritë e produkteve”.
Materialet pritet të jenë në dispozicion dy javë pas nënshkrimit të kontratës, e cila është parashikuar së shpejti. Një tjetër tender për të blerë makineritë e ventilimit të mushkërive u prezantua në 17 mars, me 25 vende pjesëmarrëse dhe afati i fundit për dorëzimin e ofertave të përcaktuara skadon për 26 mars. Një tender i fundit, i cili ka të bëjë me blerjen e materialeve laboratorike dhe kompleteve për të kryer testet, nisi më 18 mars, me 19 shtetet anëtare pjesëmarrëse. Për procedurën e fundit, afati përfundimtar është 31 marsi.
/a.r
