-Ivanoviq u qëllua rreth orës 8:10 minuta para selisë së partisë së tij, Iniciativa Qytetare. Sipas autopsisë ai u qëllua në pjesë e sipërme të trupit më gjashtë plumba nga një pistoletë e tipit Zastava M70A, prodhim serb. Trupi i Ivanoviqit u gjet nga një fqinj që ishte duke shkuar në dyqan. Në orën 9:30, mjekët njoftuan se Ivanoviq kishte vdekur.
-Kryeprokurori i Mitrovicës, Shyqeri Syla, ka thënë se vrasja ka ndodhur “nga një makinë në lëvizje”. Makina e involvuar ishte një “Opel Astra” pa targa e cila u gjet në një rrugë në veri, Policia gjeti tre predha para zyrës së tij.
-Në objektin ku është selia e Iniciativës Qytetare Serbe ka kamera, pyetja tani është nëse regjistruar vrasja.
-Policia e Kosovës, ka deklaruar se nuk kanë informacione ende për pronarin e veturës.
-Dy prokuror janë duke e hetuar vrasjen e Ivanoviqit- një shqiptar dhe një serb, shkruan lajmi.net.
-Ivanoviq kohën e fundit kur kishte dhënë një intervistë për mediat serbe kishte thënë, se ka frikë se mund ta vrasin. Ai deklaronte poashtu se situata në Kosovë është përkeqësuar që nga arrestimi i tij dhe se ekziston një ndjenjë e pabesueshme e rrezikut dhe frikës në mesin e njerëzve. Ivanoviq thoshte se “serbët nuk duhet të kenë frikë nga shqiptarët por nga vetë serbët”.
-Vitin e kaluar, në makinën e Ivanoviqit, por edhe në vitin 2005, nën makinën e tij zyrtare u gjet bombë. Nga partia e tij kishin dhënë dorëheqje katër anëtarë për shkak të frikës, shpjegonte ai, gjatë fushatës për zgjedhjet lokale në Kosovë vitin e kaluar.
-Gruaja e Ivanoviqit tha se pas vrasjes se “ajo e di” se kush e ka kryer vrasjen.
-Pas mbledhjes së jashtëzakonshëm të Këshillit të Sigurisë Kombëtare, Presidenti serb Aleksandar Vuçiq ka thënë, se vrasja e Oliver Ivanoviqit ishte një akt terrorist. Përveç kësaj, ai gjithashtu deklaroi se një letër iu është dërgua autoriteteve të EULEX-it dhe UNMIK-ut me kërkesën që autoritetet shtetërore të Republikës së Serbisë të marrin pjesë në kryerjen e hetimeve në territorin e Kosovës.
-Vuçiq do të vizitojë Kosovën të shtunën dhe të dielën, sh,kruan lajmi.net.
-Prokuroria për Krim të Organizuar në Beograd ka filluar një procedurë paragjyqësore për vrasjen e Ivanoviqit.
-Megjithatë, Ministri i Drejtësisë i Kosovës, Abdelad Tahiri tha se hetimi për vrasjen e Oliver Ivanoviqit do të zhvillohet vetëm nga institucionet e Kosovës.
-Drejtori i Përgjithshëm i Policisë së Kosovës, Shpend Maxhuni tha se njësia speciale është duke marrë pjesë në hetim.
-Në kohën e vrasjes së Ivanoviqit në Bruksel dialogu ndërmjet Kosovës dhe Serbisë është anuluar
-Avni Arifi, shef i negociatave me Serbinë, ka thënë se dialogu mes shtetit fqinj është i paalternativë dhe i pashmangshëm, megjithë pengesat që mund të dalin në rrugë. Ndërsa, drejtori i të ashtuquajturës Zyrë për Kosovën, Marko Gjuriq deklaroi se dialogu nuk do të vazhdojë deri në gjetjen e vrasësit Oliver Ivanoviqit.
-Pas vrasjes së Ivanoviqit qytetarët serbë në Kosovë e Serbi ndezën qirinj për nderë të tij.
-Vrasja e Ivanoviqit u bë lajm kryesor në mediat e rajonit dhe shumë media botërore.
-Vdekja e Ivanoviq mund të komplikojë marrëdhëniet problematike midis Prishtinës dhe Beogradit, shkroi “The Guardian”.
-Ivanoviq do të varroset të enjten në Beograd.
-Para shtëpisë së tij në Mitrovicë, të martën në mbrëmje, miqtë dhe kolegët e tij u mblodhën për t’i dhënë lamtumirën e fundit Ivanoviqit.
-Ka pasur reagime të shumta nga Kosova, Serbia, rajoni dhe bota. Vrasjen e Ivanoviqit e dënuan fuqishëm edhe Bashkimi Evropian, UNMIK, EULEX, ambasadori i SHBA-së në Kosovë, Greg Delawie e të tjerë.
-Presidenti i Kosovës, Hashim Thaçi ka dënuar fuqishëm vrasjen e Ivanoviqit, kryetar i Kuvendit të Kosovës, Kadri Veseli ka shprehur keqardhje, ndërsa kryeministri Ramush Haradinaj, tha se Policia e Kosovës ka marrëdhënie të mira më të gjithë dhe mund të ftojmë edhe FBI-në për hetime./Lajmi.net/a.m.
