Vijojnë kontrollet Blic nga Policia e Lezhës për rritjen e parametrave të sigurisë publike. Sekuestrohet 1 armë zjarri pistoletë TT. Arrestohen në flagrancë 2 shtetas për “Armëmbajtje pa leje” dhe “Kundërshtim të punonjësve të policisë”.
Në vijim të punës policore për rritjen e parametrave të sigurisë publike, mbajtjen nën kontroll të situatave kriminale dhe goditjeve të veprimtarive të ndryshme kriminale si narkotikëve dhe armëmbajtja pa leje, nga strukturat e Komisariatit të Policisë Lezhë , janë ushtruar kontrolle Blic në ambiente të ndryshme, bazuar dhe në informata policore.
Si rezultat, janë arrestuar në flagrancë shtetasit :
– Gjovalin Kola, 25 vjeç, banues në Lezhë ( me preçedent të mëparshëm kriminal)
– Lekë Kola, 36 vjeç, banues në Lezhë ( me preçedent të mëparshëm kriminal)
Konkretisht, me datë 12.08.2017, në një lokal tek Kryqëzimi i Shënkollit, gjatë kontrollit të ushtruar, shtetasit Gjovalin Kola, i është gjetur 1 armë zjarri TT pa leje e cila iu sekuestrua në cilësinë e proves materiale.
Gjithashtu , shtetasi Gjovalin Kola, i shoqëruar në lokal edhe nga shtetasi Lekë Kola, kanë kundërshtuar me forcë efektivët e policisë për të mos i lejuar që ti kontrollin.
Veprat penale në ngarkim të shtetasit Gjovalin Kola “Prodhim dhe mbajtje pa leje e armëve luftarake dhe municionit” “Kundërshtim i punonjësit të policisë së rendit publik” parashikuar nga nenet 278 /1 dhe 236/2 të Kodit Penal.
Vepra penale në ngarkim të shtetasit Lekë Kola “Kundërshtim i punonjësve të policisë së rendit publik” parashikuar nga neni 236/2 i Kodit Penal.
Materialet proçeduriale i kaluan Prokurorisë së Rrethit Gjyqësor Lezhë për veprime të mëtejshme
