Ashtu si çdo fillim jave, Partia Socialiste ka mbledhur sot grupin parlamentar.
Siç raporton gazetarja e Klan News, Greta Bullari, në fokus të diskutimeve do të jetë agjenda e seancës plenare të së enjtes, ku parashikohen tetë interpelanca, mes tyre ajo e opozitës me kryeministrin Edi Rama.
Është parashikuar që të kalojë në seancë plenare edhe Rregullorja e Kuvendit, për të cilën do të mblidhet në orën 12:00, Këshilli i Legjislacionit.
Ka patur edhe disa ndryshime të propozuara nga socialistët. Së pari, për kohën që do të flasin deputetët në Kuvend, nga 10 në 5 minuta. Të gjitha projektligjet që kanë të bëjnë me integrimin në Bashkimin Europian, do të kalojnë me procedurë të përshpejtuar.
Megjithatë, mbetet për t’u parë nëse do të ketë edhe çështje të tjera që lidhen me porositë e grupit të PS-së.
