Shifrat e pandemisë Covid-19 që prej kohësh ka pushtuar globin vijojnë të rritën në çdo orë, duke e bërë këtë virus një nder sprovat më të vështira që ka kaluar bota. Në rang botëror deri në këto momente raportohen 2.340.539 të prekur nga Sars-Cov2, ose siç njihet gjerësisht, koronavirusi. Nga këta fatmirësisht 600,703 pacientë kanë arritur të fitojnë betejën me këtë virus, duke u shëruar e lënë spitalet ku po merrnin trajtim. Beteja nuk ishte e përballueshme për 160,539 persona të tjerë të cilët fatkeqësisht nuk ia dolën dhe humbën jetën.
Vendin e parë sa i takon numrit të të prekurve e mbajnë Shtetet e Bashkuara të Amerikës me 738923, nga të cilët u shënuan 39.015 viktima. Këto vende janë në krye të listës edhe përsa i takon numrit të viktima.
Në vend të dytë të listës botërore të pasojave të Covid-19 ndodhet Spanja. Shteti latin ka 194416 të infektuar, dhe nga këta 23277 kanë humbur jetën.
Italia fqinje edhe pse duket se ka një kurbë më të normalizuar, përsëri është e gjunjëzuar. 175,925 të prekur dhe 23,227 viktima e bëjnë këtë një prej shteteve më të goditura në botë nga pandemia.
Por pas Italisë nuk mbetet as Franca. 151,793 dhe 19,323 është bilanci i deritanishëm.
Gjermania numëron 143,724 dhe 4,538 viktima, e ndjekur nga Mbretëria e Bashkuar me 114,217 infektime dhe 15,464 që humbën jetën. Kina, vendi edhe ku u shfaq pandemia, ka rënë në klasifikimin botëror duke numëruar 82,735 pacientë të prekur dhe 4,632, pergatiti Shqiptarja.com.
