• Kontakt
  • Kreu
  • Rreth Nesh
Tuesday, November 10, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Opinion

Të blesh belanë me para!

by Mero Baze
28/03/2017 21:49
Shperndaj ne FacebookShperndaj ne Twitter
Nga Mero Baze

Lulzim Basha mund të mos harxhohej. Udhëtimi i tij drejt SHBA-së me një ish- drejtor të tij, për të paguar biletën, në një “fundraising” republikanësh, do t’ia vlente nëse ai nuk ka lidhje dhe kërkon të njohë dikë. Nuk është as turp dhe as vlerë, të paguash për të njohur dikë, por është diçka që Lulzim Bashës nuk i duhet, pasi ai është i njohur mjaftueshëm si kryetari zyrtar i PD. Nëse i duhet të shkojë në SHBA, Ambasada e SHBA në Tiranë ja mundëson në çdo kohë. I vetmi arsyetim që do t’ia vlente, ishte të gjente dikë që t’ia bënte të lehtë nxjerrjen nga çadra. Por dhe në këtë rast, duhej doemos dikush nga qeveria, dhe jo lobistë grekë, që njohin dikë që mund të sigurojnë futjen me pagesë në darkë, e kështu me radhë.

Por meqë e bëri këtë budallallëk, mund të shmangte të dytin. Mund të shmangte përpjekjen për ta zbardhur vizitën përmes një blogu, duke e kërkuar vetë këtë. “Breitbart News”, që i përngjan “Fahriut digital”, i transferuar në SHBA, nuk është i besueshëm as brenda republikanëve. Si blog i përket një sekti radikalësh, që kanë teoritë e tyre konspirative mbi politikën dhe armët e vjetra të gazetarisë së angazhuar. Është aq i përfshirë, sa botuesi i saj kaloi pas zgjedhjeve këshilltar i Trumpit dhe i njihet merita e ndërtimit të rrjeteve që prodhonin lajme fallco në Ballkan mbi Klintonin, dhe që pastaj depërtonin në SHBA si “fake news”. Ah po, i njihet dhe merita e sulmeve ndaj Soros.

Por Lulzim Bashës nuk i duhet ky tip. Si ky dhe më të mirë se ky, për teori konspirative dhe budallallëqe, ka Çim Pekën dhe Fahriun. Biles me shumë më pak para sa ka harxhuar për të shkuar deri aty, ata mund t’ia ndërtonin vizitën nga këtu, pa shkuar fare.

Shkrimi i porositur me urgjencë, ku autori kishte bërë lëmsh të shkuarën, të sotmen dhe të ardhmen e Lulzim Bashës, tregon se i kanë shkuar paratë dëm mes të tjerash dhe për punën gazetareske. Por mbi të gjitha, i kanë shkuar dëm për atë politike.

Lulzim Bashës nuk i duhen këta tipa. Ai duhet të heqë dorë nga ideja, që në SHBA ka një konspiracion kundër tij, dhe ai nuk po takon dot presidentin t’i qajë hallin. Ai thjesht duhet të jetë në një gjatësi vale me qeverinë amerikane, ose jo. Qeveria amerikane po i thotë shko në Kuvend, shko në zgjedhje dhe bë betejën tënde. Kurse ky po u thotë shqiptarëve, se një gomar në SHBA ka shkruar që problemi i Shqipërisë është Sorosi, falë viztës së tij në një darkë të paguar. Dhe të mendosh që vetë Basha, gruaja, kunati dhe gjysma e Kryesisë së PD, janë të financuar nga Sorosi për studimet  e tyre, e kupton lehtë sa i besueshëm është ky njeri.

Lulzim Basha duhet ta paguante dhe duhet të paguajë nëse i kanë mbet ende para drejtorëve të vet, pasi ky nuk fut kurrë dorën në xhep të tij, për ta hequr këtë imazh idiot. Ose të mos merret fare më me SHBA e Europën dhe të shikojë punën e tij.

Ideja se ai është në kërkim të një Amerike tjetër nga ajo që është, nuk e bën atë një Kristofor Kolomb të ri, por një Don Kishot, që shetit me Sançot e vet. Të paguash për të shkuar në një “fundraising” republikanësh, të rregulluar  nga disa lobistë grekë, dhe pasi ke ngel aty si “shit”, nuk ke nevojë të ripaguash për të treguar çfarë budallallëku ke bërë.

Për aq ngjarje sa ka prodhuar në Shqipëri, Lulzim Basha, nuk ka nevojë të paguash, se shkruan vetë shtypi ndërkombëtar, bile ai më seriozi, jo gazeta me pagesë si “Ushington Times” apo blogje kontraverse si “Breitbart News”. Dhe nuk është se nuk ka shkruar shtypi më serioz botëror për të. Ka shkruar “New York Times”, “Uashington Post”, “Telegraf”, “Time”, “Ekonomist” dhe gjithë media prestigjioze ndërkombëtare. Dhe e meriton, pasi është kryetar i opozitës që po rri 40 ditë në rrugë. Problemi është se ai shtyp ka shkruar dhe ka treguar pse rri në rrugë, kush e mban peng si politikan dhe çfarë duhet të bëjë. Dhe për të mos dëgjuar e lexuar shtypin serioz, shkon e paguan të përkthejë në anglisht shkrime që as “Fahriu digital” nuk do t’i botonte. Kjo tregon se ky njeri përveçse ka vesin të thotë gënjeshtra, paska dhe vesin që do t’i dëgjojë dhe të riprodhuara si të vërteta gënjeshtrat e veta. Por këtu nuk i hyjnë në punë njeriu.

Dështimi i udhëtimit të tij në SHBA, është një lajm i keq më shumë për qeverinë, se sa për të. Qeveria do të kishte interes dhe ndoshta do t’ia vlente të paguante, që ai të pritej në Uashington dhe të merrte një vendim serioz. Kjo e shkuara nëpër “dasma” me zarf me vete, dhe pastaj turpi tjetër, që paguan për të shpjeguar çfarë ka bërë, nuk i hyn në punë askujt Por sidomos atij vetë. Ai duhet të paguante të mos shkruheshin broçkulla të tilla, ku ai përshkruhet si kryebashkiak, si luftëtar antisoros, dhe si kryeministër i ardhshëm pas 18 qershorit. Vetëm ky njeri mund ta blejë belanë me para, duke paguar që të duket mashtrues. Pasi duket qartë që i ka porositur, pa i njohur. Dhe ata kanë lexuar Wikipedian, për të kuptuar kush e ka dhënë porosinë.

Next Post
Jehona ia kalon të motrës, shfaqet SEXY në rrjete (GALERI)

Jehona ia kalon të motrës, shfaqet SEXY në rrjete (GALERI)

Leave a Reply Cancel reply

Your email address will not be published. Required fields are marked *

TË FUNDIT

Norvegjia po ndërton tunelin nënujor më të gjatë dhe më të thellë në botë

Norvegjia po ndërton tunelin nënujor më të gjatë dhe më të thellë në botë

November 9, 2026
Mjegulla mbulon Juglindjen, ulen temperaturat. Policia apel drejtuesve të mjeteve për kujdes të shtuar

Mjegulla mbulon Juglindjen, ulen temperaturat. Policia apel drejtuesve të mjeteve për kujdes të shtuar

November 9, 2026
“Prej 30 vitesh s’biem dakord”, Agron Duka: Të këtë një kod të ri zgjedhor, se lamë kokrrën e namit

Duka: Ky është sistemi më i dobët zgjedhor që kemi parë

November 9, 2026
“Dënimet shkojnë deri në burg përjetë”- Avokati Petraj: SPAK të nisë hetimet për protestat, jemi përballë “Nenit 221” të kryengritjes!

Petraj: Si protesta e Flamingove dhe ajo e studentëve nuk funksionojnë pa PD

November 9, 2026
Mediat greke zbulojnë të kaluarën kriminale të Robert Dukës, i dyshuar për 28 grabitje bankash në Greqi

DETAJE / Robert Duka i ka lënë në kazino paratë e grabitura në banka, u dha shokëve nga 3 mijë euro

November 9, 2026
Meçe: Protesta humbi karakterin fillestar, qytetarët e kuptuan se u manipulua nga interesa antikombëtare

Meçe: Protesta humbi karakterin fillestar, qytetarët e kuptuan se u manipulua nga interesa antikombëtare

November 9, 2026
Tragjike në Shkodër! Humb jetën elektriçisti 34-vjeçar gjatë riparimit të një defekti

Tragjike në Shkodër! Humb jetën elektriçisti 34-vjeçar gjatë riparimit të një defekti

November 9, 2026
Akuzat e reja për Vlora Hysenin, Manjani: SHISH, institucion parazit. SPAK u rëndon akuzat atyre që ankohen

Akuzat e reja për Vlora Hysenin, Manjani: SHISH, institucion parazit. SPAK u rëndon akuzat atyre që ankohen

November 9, 2026
“Plas” te republikanët, kërkohet shkarkimi i Hegseth: Shkeli Kushtetutën e SHBA-ve

“Plas” te republikanët, kërkohet shkarkimi i Hegseth: Shkeli Kushtetutën e SHBA-ve

November 9, 2026
Protesta para Kryeministrisë: Përplasje verbale dhe tensione me policinë për gjobat ndaj pjesëmarrësve

Protesta para Kryeministrisë: Përplasje verbale dhe tensione me policinë për gjobat ndaj pjesëmarrësve

November 9, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In