Deputeti i Bindjes Demokratike në parlament Andi Përmeti i ftuar në emisionin “Real Story” në “News 24” deklaroi se ka qenë dhe mbetet për zgjedhje me lista të hapura.
Përmeti tha se kësaj beteje i ka hyrë dhe do i shkojë deri në fund, duke thënë se dëshiron t’i japë fund pushtetit perandorak të kryetarëve të partive.
“Unë kam kërkuar ndryshim të sistemit, me qëllim që të mos kemi 3 perandorë në krye. Kam kërkuar heqjen e kësaj fuqie. Unë sot jam në një betejë. Njeriu hyn për të bërë betejën. Të ardhmen nuk e di, por unë kësaj beteje do i qëndroj deri në fund.
A do të hapim apo jo listat nuk e di, por unë do i qëndroj deri në fund. Kjo është një kërkesë e qytetarëve shqiptarë. Ne i kemi qëndruar kësaj beteje që ditën e parë. Sikur ne të gjithë si opozitarë, 39 vota të votojmë për hapje të listave, mund ta imponojmë ndryshimin e sistemit. Unë nuk votoj asnjë marrëveshje që nuk ka brenda ndryshim sistemi”, tha Përmeti.
Më tej deputeti i opozitës ka thënë se pas djegies së mandateve nuk e ka sulmuar Lulzim Bashës, por e pranoi mandatin sepse besonte se djegia e tyre isthe gabim.
Përmeti thotë se ndryshimin e pret vetëm nga opozita, pasi Ramën e ka pasur gjithmonë kundërshtar dhe nuk pret gjë nga ai.
Deputeti thotë se kritikon opozitën për gabimet pasi prej saj pret ndryshimin.
”Kam qenë kundër djegies së mandateve. Kam mundur të bëj opozitë, sa kam mundur, kam bërë nterpelanca. Jam përpjekur ta bëj me moral. Nuk i kam rënë kurrë Lulzim Bashës. Halli im ka qenë që pas 2017 Basha është barazuar me Ramën. Unë personalisht kam qenë kundërshtar i Ramës, nuk pres ndryshimin. Reagimin e pres nga opozita. Opozitën e pres nga ndryshimi.”– tha Përmeti.
g.kosovari
