Sportistja italiane Elisa Di Francisca bëri një gjest që i habiti të gjithë në Lojërat Olimpike të Rios, duke marrë vlerësime maksimale.
Teksa u ngrit në podium për marrjen e medaljes së argjendtë në skermë, ajo nuk mbante flamurin e vendit të saj Italisë, por flamurin e Bashkimit Evropian.
“E bëra për viktimat e terrorizmit në Paris dhe Bruksel. Nuk mund të fitojnë terroristët. Europa ekziston. Dhe vetëm duke qëndruar të bashkuar mund të kalojmë shumë pengesa dhe të mos bëjmë atë që duan ata, pra të mbyllemi në shtëpi” u shpreh Elisa Di Francisca.
Elisa Di Francisca ka marrë më pas përgëzimet e Shefes së Diplomacisë së BE Mogherini, por dhe zyrtarëve e kolegëve të saj.
