Të ardhurat që administrata tatimore ka grumbulluar në formën e gjobave janë dyfishuar gjatë vitit 2015 krahasuar me vitin paraardhës.
Sipas të dhënave nga tatimet, të ardhurat nga ky zë arritën në 242 milionë lekë ose 1.7 milionë euro gjatë 2015 nga 113 milionë lekë (800 mijë euro) të arkëtuara më 2014.
Të ardhurat nga gjobat kanë ecur në përpjesëtim të zhdrejte me tatimet dhe taksat tradicionale duke pësuar rritje vjetore me 114 %, kur tatimet e tjera kanë pësuar rritje krejt modeste ose duke shënuar edhe rënie në disa raste.
Të ardhurat nga gjobat vitin që shkoi u stimuluan nga kontroll i rreptë që administrata tatimore ndërmori ndaj biznesit në kuadër të luftës antiinformalitet.
Mbi 500 punonjës të rinj ju shtuan administratës tatimore për kontrollet në terren, të cilët në gjatë periudhës shtator-dhjetor 2015 vendosen një volum të madh gjobash jo të zakonte për rutinën e tatimeve.
Pavarësisht se jo të gjitha penalitetet e vëna ndaj biznesit nuk janë paguar në kohë dhe shumë prej tyre janë në proces apelimi, arkëtimet nga gjobat u rriten me ritme treshifrore.
Nga ana tjetër të ardhurat buxhetore shënuan deficit të lartë ne krahasim me programin e 2015, raporton Monitor.
Të ardhurat totale në buxhet për vitin 2015 ishin 378.4 miliardë lekë, me një rritje prej 3.2% në raport 2014-n. Por, duke pasur parasysh që vendi ka pasur një rritje ekonomike të kënaqshme, mesatarisht 2.8% për 9-mujorin dhe inflacioni ishte 2% në dhjetor, rritja reale e të ardhurave ishte negative në vitin 2015, me minus 1.6%, duke treguar një performancë të dobët në rendimentin e punës së administratës tatimore e sidomos asaj doganore.
