Të ardhurat në buxhetin e shtetit nga njësitë e qeverisjes vendore në muajin janar llogariten 907 milionë lekë.
Referuar statistikave të Ministrisë së Financave mbi treguesit fiskalë sipas buxhetit të konsoliduar, shpenzimet për buxhetin vendor në janar kapin vlerën e 1,788 milionë lekëve.
Aktualisht, taksat e pushtetit vendor, të ardhurat e të cilave shkojnë në buxhetin e shtetit, janë taksa mbi pasurinë, taksa mbi biznesin e vogël dhe taksa lokale.
Nga taksa për pasurinë në muajin e parë të vitit u arkëtuan 195 milionë lekë, nga taksa mbi biznesin e vogël 2 milionë lekë dhe nga taksa lokale 710 milionë lekë.
Të ardhurat nga pushteti vendor për vitin 2017 pritet të arrijnë nivelin e 15.401 milionë lekëve. Parashikimi për këtë grup taksash është bazuar në parashikimin për rritjen ekonomike nominale, si dhe në përmirësimin e pritshëm administrativ në mbledhjen e të ardhurave./b.d
