Gjatë 24 orëve të fundit janë finalizuar 3 operacione për kapjen e personave me rrezikshmëri të shpallur në kërkim ndërkombëtar.
“Fast Albania” vuri në pranga 2 pjesëtarë të organizatave kriminale në Itali të akuzuar për trafikim të lëndëve narkotike, si dhe 1 person të akuzuar në Suedi për kanosje serioze për vrasje.
Konkretisht, në kuadër të operacionit policor të koduar “Operacionalja 22” janë lokalizuar dhe vënë në pranga:
-Ylli Zherri alias Ylli Gjuci, 32 vjeç, i lindur në Mamurras. Ai u kap në Mamurras, pasi Gjykata e Vareses, Itali, i ka caktuar masën e sigurisë “Arrest në burg”, për veprën penale “Trafikimi i lëndëve narkotike”, kryer në kuadër të organizatës kriminale;
-Lumnije Freskina alias Lumnije Danaj, 60 vjeçe, e lindur në Shkodër. Ajo u kap në Shkodër, pasi Gjykata e Apelit e Firences, Itali, i ka caktuar masën e sigurisë “Arrest në burg”, për veprën penale “Trafikimi i lëndëve narkotike”, kryer në kuadër të organizatës kriminale;
-Ahmad Farhan, 37 vjeç, shtetas suedez. Ai u kap në Tiranë, pasi Gjykata e Orebros, Suedi, ka lëshuar urdhër arresti për të, për veprën penale “Kanosja serioze për vrasje”.
Interpol Tirana po bashkëpunon me homologët në Itali dhe në Suedi, për të finalizuar procedurat e ekstradimit të këtyre personave.
