Djali i ish-kryeministrit Sali Berisha ka reaguar pasi kreu i grupit parlamentar i Partisë Socialiste, Taulant Balla ka kërkuar hetim të prokurorëve që sipas tij po mbyllin skandalin e madh CEZ/DIA.
Shkëlzen Berisha ka komentuar në rrjetet sociale ku i kërkon Balles t’i paguajë gjobën për shpifje që i ka vendosur gjykata.
“Taluanti qe kerkon “drejtesi” si diversion per trafikun nderkombetar te droges duhet, qe si cdo qytetar, te zbatoje vendimin e gjykates dhe te paguaje gjoben per shpifje,” shkruan Berisha.
Ndërkohë Balla kërkoi llogari për mbylljen e çështjes nga prokurorët.
“Kush janë këta prokurorë që kanë tragetin të falin pa hetuar veprën penale të Ndue NikKalajt. Si u mbyllka dosja pa u hetuar Sali Berisha, Ridvan Bode, Genc Ruli, Florian Mima, Eno Bozdo, Ledina Mandija ish-avokate e shtetit, Shkëlzen Berisha, Bujar Nepravishta”, tha Balla. /b.d
