Taulant Xhaka rekomandohet si një përforcim i mirë për klubetg angleze në merkaton e janarit. Mesfushori kuqezi, i cili luan me Bazelin në kampionatin zviceran, është evidentuar nga gazeta britanike “The Telegraph” si një nga talentet e momentit dhe është vënë në shënjestër nga shumë klube europiane.
Verën e kaluar ai ishte në bisedime për të kaluar te Fiorentina, ku tashmë drejton ish-trajneri i Bazelit, Paulo Sousa. “The Telegraph”, në kolonën e merkatos, thotë se është një rast për të mos u humbur nga klubet angleze, të cilat nuk e kanë problem të paguajnë shifra të mëdha. Gazeta vë në dukje se Xhaka mund të luajë edhe në mbrojtje, si edhe në krahë.
Sezonin e kaluar, Xhaka u evidentua edhe nga UEFA si një nga lojtarët e spikatur në Champions League.
