Tatuazhi që të tregon se e ke tepruar me pijen
Një tatuazh i thjeshtë mund të shpëtojë jetë njerëzish. Dy studentë amerikanë të Ad School në Majami, Chennai Divay Seshadri e Megan O’Neill, kanë propozuar një mënyrë për të ulur numrin e aksidenteve kryesisht në fundjavë nëpërmjet një tatuazhi të thjeshtë.
Tatuazhi nuk është i përhershëm. Ai ndriçon me një ngjyrë blu në momentin kur personi që e mban ka konsumuar një sasi të madhe alkooli, një sinjal i qartë ky për të mos ngarë makinën në një gjendje të tillë.
Si funksionon
Teknologjia e përdorur në fakt është funksionale në testet për diabetikët. Tatuazhi përmban një mikroçip që mat sasinë e alkoolit përmes djersës, falë aftësisë për të kapur molekulat e alkoolit me valët elektromagnetike.
Çmimi i propozuar nuk e kalon një dollar dhe mendohet se diskot dhe lokalet e natës mund edhe t’ua ofrojnë klientëve në dalje.
