Tatimorët e Dibrës mbyllin dyqanet e tregtarëve të vegjël, nisin protestat
Tregtarët e vegjël të Dibrës kanë dalë në protesta pasi tatimorët u kanë mbyllur dyqanet për kasat fiskale.
Tregtarët thonë se kjo është një padrejtësi duke pasur parasysh kushtet në të cilat ata tregtojnë mallrat e tyre, si dhe taksat e papërballueshme për t’u paguar.
Janë rreth 300 tregtarë të këtij qyteti që prej vitesh ushtrojnë aktivitetin e tyre në pazarin e Peshkopisë, e që përveç taksave dhe qirasë që duhet t’i paguajnë pronarit të tokës janë urdhëruar këtë të martë nga tatimorët që të ndërpresin aktivitetin deri në vendosjen e kasave dhe regjistrimin e tyre sipas ligjeve në fuqi.
