“Shumat e rimbursuara të TVSH-së kanë qenë 8.9 miliardë lekë më 2015 dhe 8.5 miliardë lekë më janar-tetor 2016. Ndërkohë që këto ditë nga TAP nga ardhur një kërkesë prej 2.3 miliardë lekë rimbursim të TVSH-së. Kjo do të thotë që shuma totale do të shkojë rreth 10 miliardë lekë për 2016-ën”, tha Dilaveri.
Drejtori i TAP Shkëlqim Bozgo, pohoi në të njëjtin takim se TAP e ka të konsiderueshme vlerën e TVSH-së për rimbursim, që mund të shkojë deri në 30% të totalit të vlerës së rimbursuar të këtij viti. Ai tha se TAP mirëkupton që kjo është një sfidë jo e vogël dhe falënderon Ministrinë e Financave për vullnetin pozitiv për të mundësuar një rrugëzgjidhje të procesit.
Kërkesat për rimbursim të biznesit janë rritur nga 616 në 2014 në 644 në 2016 (Janar-Tetor). Për bizneset eksportuese, administrata tatimore po punon që rimbursimi të bëhet automatik, të paktën për ato biznese që janë certifikuar dhe kanë një besueshmëri të lartë.
