Tatimet për 14 ditët e para të dhjetorit, sipas të dhënave paraprake kanë arritur të mbledhin 6.2 miliardë lekë të ardhura neto në total, apo 38% të planit mujor. Deri në fund të muajit tatimorët duhet të mbledhin edhe gati 10 miliardë lekë për të arritur planin prej gati 12 miliardë lekësh.
Të ardhurat tatimore ishin realizuar deri në 14 dhjetor në 42% (4.7 miliardë lekë, nga 11 miliardë lekë që ështtë plani mujor).
Ecurinë më të dobët e kanë shënuar kontributet, plani i të cilave është realizuar vetëm 30% (1.5 miliardë lekë). Ndonëse afati për pagimet e kontributeve është data 20, shifra prej 5.1 miliardë lekë që është plani, duket e vështirë të arrihet, teksa në dhjetor të vitit të kaluar (mbi faktin e të cilit është hartuar dhe plani) kishte një rritje të lartë të këtij zëri për shkak të pagesave të fermerëve, që nxituan të përfitonin nga falja e kamatëvonesave për sigurimet e prapambetura.
Deri në mes të dhjetorit për bizneset nuk ishte rimbursuar asnjë lek, nga 1.4 miliardë lekë që është plani për muajin e fundit të këtij viti.
a) Realizimi i mbledhjes së të ardhurave neto total :
Plani i muajit Dhjetor 2015: 16,164 milionë lekë.
Realizimi deri 11.12.2015: 6.203.5 milionë lekë, 38.4 %
Mungesa: 9,960.5 milionë lekë.
b) Të ardhurat tatimore:
Plani i muajit Dhjetor 2015: 11,014 milonë lekë
Realizimi deri 11.12.2015 4,695.5 milionë lekë 42.6 %
Mungesa: 6,318.5 milionë lekë
c) Kontributet:
Plani i muajit Dhjetor 2015 : 5,150 milionë lekë
Realizimi deri 11.12.2015: 1,528.4 milionë lekë 29.7 %
Mungesa : 3,621.6 milionë lekë
d) Rimbursimi i kryer
Plani i muajit Dhjetor 2015: 1 400.0 milionë lekë
Realizimi i kryer deri 11.12.2015: 0 milionë lekë 0 %
Mungesa: 1,400.0 milionë lekë/Monitor
