Java Kulturore e Kinës u mbyll me veprimtarinë “Shije nga Kina”, në pedonalen “Murat Toptani” në qendër të kryeqytetit shqiptar.
Aktiviteti Shija e Kinës në Tiranë në kuadër të Javës Kulturore Kineze
Ambasadorja e Kinës në Shqipëri, Pang Chunxue, ne aktivitetin Shija e Kinës në Tiranë (Foto CMG)
Kryeministri Edi Rama dhe ministri i Turizmit, Kulturës dhe Sportit, Blendi Gonxhja, e pasqyruan në rrjetet sociale këtë aktivitet, duke ndarë dhe fotot e rastit.
Ata shkruan se përmes gatimeve të përzgjedhura dhe teknikave të trashëguara brez pas brezi, publiku përjetoi kuzhinën jo vetëm si ushqim, por si një art që përcjell histori, filozofi dhe harmoni.
Artiste kineze në aktivitetin Shija e Kinës në Tiranë (Foto CMG)
Kryeministri Rama dhe ministri Gonxhja thanë se “Taste of China” solli një udhëtim të veçantë gastronomik, ku shijet autentike dhe aromat tradicionale u bënë një pasqyrë e kulturës mijëravjeçare kineze në kuadër të Javës Kulturore Kineze.
Artiste kineze në aktivitetin Shija e Kinës në Tiranë (Foto CMG)
E pranishme në këtë aktivitet ishte edhe ambasadorja e Kinës në Shqipëri, Pang Chunxue, shoqëruar nga pjesëtarë të tjerë të ambasadës, duke u bërë pjesë e aktiviteteve e duke shijuar gatimet dhe atmosferën argëtuese, që nxiti kureshtje dhe pati pjesëmarrje të lartë nga qytetarët. Po ashtu, të pranishëm ishin edhe përfaqësues të misioneve të huaja diplomatike në Shqipëri.Në stendat e vendosura në pedonale, qytetarë dhe turistë të shumtë provuan shijet e ushqimeve nga krahina të ndryshme të Kinës si dhe u argëtuan me dhuratat e fituara nga kuize njohëse për Kinën.
Aktiviteti Shija e Kinës në Pedonalen e Tiranës (Foto Atsh)
Java Kulturore Kineze u mbajt nga data 22-26 shtator, e organizuar nga Ambasada e Republikës Popullore të Kinës, me mbështetjen e Ministrisë së Turizmit, Kulturës dhe Sportit.
Aktiviteti Shija e Kinës në Pedonalen e Tiranës (Foto CMG)
Aktivitetet e zhvilluara gjatë këtyre ditëve sollën një program të pasur organizimesh në Tiranë dhe Elbasan, që synuan të afrojnë dy kulturat dhe të krijojnë mundësi për shkëmbim dhe mirëkuptim mes popujve.
