Instituti Kombëtar i Trashëgimisë Kulturore deklaroi sot se ambasada italiane iu përgjigj thirrjes dhe mbështeti me misionin “Task Force Italiana U4H” për njohjen dhe vlerësimin e dëmeve në trashëgiminë kulturore.
“Ministria e Kulturës pas ngjarjeve sizmike të ndodhura në 26 nëntor ka kërkuar pjesëmarrjen e ekspertëve të huaj për të ndihmuar autoritetet Shqiptare në administrimin e Urgjencës për mbrojtjen e Trashëgimisë Kulturore. Ambasada Italiane iu përgjigj thirrjes dhe mbështeti me misionin “Task Force Italiana U4H”. Ky mision i parë konsiston në njohjen dhe vlerësimin e nevojave aktuale nëpërmjet studimeve në terren”, sqaron Instituti Kombëtar i Trashëgimisë Kulturore.
Po ashtu Instituti Kombëtar i Trashëgimisë Kulturore sqaron se në vijim të punës, grupi i specialistëve italianë dhe specialistëve të Institutit Kombëtar të Trashëgimisë Kulturore e DRTK Tiranë inspektuan Muzeun Etnografik të Kavajës. /e.s/
