Ndeshja miqësore midis kombëtares shqiptare të futbollit dhe asaj kosovare do të luhet më 13 nëntor në Prishtinë, dhe jo në 17 siç ishte parashikuar.
Miqësorja festive ndërmjet Kosovës dhe Shqipërisë, në Prishtinë do të luhet në orën 14:00, siç u konfirmua edhe nga Presidenti i federatës kosovare Fadil Vokrri.
Ndryshimi i datës u bë pasi kombëtarja kuqezi nuk ishte arritur të gjente një kundërshtar për miqësore në datën 13, e përcaktuar si datë zyrtare miqësoresh nga FIFA.
Sipas Presidentit të federatës kosovare, u ra dakord që të ndryshohet data e sfidës festive, në mënyrë që përfaqësuesja kuqezi të ketë më tepër mundësi për të gjetur një kundërshtar, edhe për një miqësore të dytë.
Kjo ndeshje do të shndërrohet në një ditë feste për tifozët kosovar për kualifikimin e kombëtares kuq e zi në europianin Francë 2016.
Përsa i takon miqësores së datës 17 Nëntor, FSHF vazhdon të kërkojë një rival. Miqësoret me Kroacinë dhe Bullgarinë nuk u realizuan, ashtu si edhe testi me Finlandën. Një kundërshtar potencial mbetet Gjeorgjia, por asgjë nuk është zyrtare.
