Trajneri Guus Hiddink ka pohuar se lufta për mbijetesë është problem “shumë real” për Chelsean. Klubi londinez po kalon një sezon zhgënjyes, duke fituar vetëm gjashtë nga 21 ndeshjet e Premier Ligës. Ekipi, i cili sezonin e kaluar fitoi titullin, gjendet në pozitën e 14, me vetëm gjashtë pikë nga zona e rrezikimit në të cilat pozicionohen Sunderlandi, Neëcastle Unitedi dhe Aston Villa.
“Është gjendje reale”, ka thënë Hiddink. “12 pikë nga vendi i katërt – aty është Tottenhami. Ne dëshirojmë të përfundojmë në krye të tabelës, por nuk do të ishte reale kur tani jeni gjashtë pikë larg zonës për mbijetesë. Ky është fakt”. “Duhet të punojmë shumë dhe të fokusohemi. Kur erdha këtu ne ishim një pikë larg zonës së rrezikut, tani kemi më shumë hapësirë”.
