Nga 1 korriku shqiptarët që lëviznin nëpër Ballkanin Perëndimor nisën të isnin pa tarifën e roaming. Ndryshimin e rëndësishëm pushuesit apo turistët e ndjenë kur paguan shumë më pak për faturën e korrikut, pasi lundruan në internetit apo komunikuan në telefon me të afërmit në Shqipëri, pa patur frikë për kohën.
Një muaj pas kësaj nisme, sekretarja e Përgjithshme e Këshillit të Bashkëpunimit Rajonal, Majlinda Bregu shkruan në një postim në Instagram:
“ Shihni faturën e korrikut dhe na kujtoni. Për këdo që udhëton në Kosovë, Mal të Zi, Serbi, Maqedoninë e Veriut, Bosnje-Hercegovinë dhe Shqipëri, mund të keni paguar shtrenjtë gjithfarë faturash, por jo më të telefonit! Fol si n’shpi. Këtë verë mund ta hapësh internetin e celularit pa frikë, sepse çmimet e roaming në Ballkanin Perëndimor janë 99% më lirë, kështu që mund të lundrosh në internet dhe të asësh më shumë, por të paguash më pak”. Ajo kujton se në 2021 kjo tarifë do të bëhet zero.
Nga ana tjetër për marrëveshjen e arritur mes vendeve të rajonit, komisionerja evropiane për Ekonominë dhe Shoqërinë Dixhitale, Mariya Gabriel, reagoi përmes një statusi në Twitter:
“Marrëveshja e Re Rajonale e Roaming #RRA mundëson ulje të ndjeshme të tarifave të roaming në Ballkanin Perëndimor. Ky është hapi i parë për një roaming si në shtëpi brenda rajonit dhe gur i rëndësishëm nga Axhenda Dixhitale për Ballkanin Perëndimor”. /l.m
