Qeveria ka ofruar disa pika mjaft të favorshme për studentët, të cilat u japin zgjidhje, shumë prej kërkesave të tyre. Madje propozimet e kryeministrit Edi Rama, gjatë komunikimit në facebook, shkonin përtej kërkesave të tyre.
Kreu i qeverisë, deklaroi se do ketë subvencionim 100% të tarifës, për disa kategori studentësh; si ata me nota 9 dhe 10 dhe ata që vijnë nga familje të varfëra.
Megjithëatë, kreu i qeverisë kërkoi dialog dhe mospolitizim të protestës.
“Te flasim si njerëz. Ju pres kur të doni, si të doni, sa të doni. Jam i gatshëm të flasim. Ta bejmë bashkë si njerëz, jo si profile false në facebook. Me keni gati në çdo orë“, tha Rama
Ai premtoi punësimin e 1000 studentëve ekselentë në administratë si dhe investime dhe ndërtime të konvikteve të reja.
Kreu i qeverisë premtoi shkarkimin e përfaqësuesve të qeverisë në bordet e Universiteteve.
Javanews sjell disa nga pikat e ofruara nga kryeministri Rama për studentët.
Tarifat, subvencionim 100% për ekselentët dhe të varfrit
Mund të bëjmë me shumë se pergjysmim të tarifave. I gatshëm për të shkuar me tej kërkesave tuaja për tarifat. Jo vetëm 50%, por tua subvencionojë shteti 100% atyre me 9 dhe 10 dhe atyre në ndihmë ekonomike. Por ama duhet dialog, se nuk zgjidhen në eter
Konviktet, godina të reja dhe rishikim tarife
Kemi plan konkret për kampusin e Tiranës – është bërë konkursi në 2015 dhe Bashkia e Tiranës është gati qe te nderhyje qofte per qytetin studenti, qofte per kampusin e ri. Nderkohe 18 milione euro per nderhyrje fale KFV per qytetin studenti. Pse vetëm tarifat e shkollës, po tarifat e konvikteve? Në çdo konvikt ku nuk kemi arritur dot të rindërtojmë, ku nuk ka kushte, deri kur të rikonstruktohet qeveria duhet ti thotë prindit: Ndjesë. Ku do e merrni? Te sheshi? Nuk është negociatë kjo, por dialog. Bashkia e Tiranës ka kohë që ka filluar punë për lirimin e sheshit. Sheshi te Qytet Studenti është tokë e xanun. Se keni kërkuar, do ta bëjmë ne.
Bursa për ekselentët
Po sikur tu japim bursa studentëve të shkëlqyer që të studiojnë këtu? Mendoj se duhet ti japim, si kanë kërkuar. Them që duhet të forcohemi dhe studentëve të shkëlqyer tu japim bursë këtu. Në Perëndim janë një pjesë që jepen, janë 15 Universitete. Por pse mos t’ua japim studentëve këtu? Kuptohet jo aq sa në Perëndim, por një bursë sado, 1 lek. Po si? Unë këtu, ju atje? Zgjidheni me njëri-tjetrin. Keni dhe Dash Shehin, thirreni hera-herës tu mbajë me muhabet, gjeni ndonjë klub aty afër Ministrisë që të jetë si sofër tironse. Unë mendoj që po edhe bursa për studentët ekselentë. Unë mendoj, por deri kur do të bëhet?!
1 mijë studentë ekselentë do të fitojnë direkt vendin e punës në administratë
Bordet e administrimit, shkarkim të përfaqësuesve të qeverisë
Do t’i shkarkojmë të gjithë përfaqësuesit e qeverisë në bordet e universiteteve. Por nuk bëj asnjë lëvizje pa ardhur këtu. Jo për të protestuar në emër të Lulit dhe Monikës atje. Jo politikë?! Por tani është politikë me qeverinë! Jo partitë thoni, jo qeveri. FRESSH-in e keni parë si është, copë- copë…
Por duhet dialog
“Ju pres në çdo orë. Edhe nëse vini këtu, askush nuk ju detyron të firmosni asgjë. Ejani dialogojmë”, tha Rama
Javanews/a.çupaj
