Arrestohet shoferi i linjës së Institutit në Tiranë. Shoferi 62-vjeçar, me inicialet N.K, u kap nga efektivët e policisë në rrugën ‘Dritan Hoxha’ duke drejtuar urbanin e linjës së Insititutit Bujqësor, në gjendje të dehur, e duke rrezikuar jetën e pasagjerëve. Shoferi iu nënshtrua testit të alkoolit, i cili e nxori zbuluar, e më pas u procedua me arrestimin e tij.
‘Gjatë kryerjes se veprimeve policore, për verifikimin e nivelit te alkoolit, drejtuesi i autobusit i identifikuar me iniciale N. K, 62 vjeç, rezultoi se drejtonte mjetin në gjendje të dehur, konkretisht testi i parë 0.342 mg/l, testi i dytë 0.549 mg/l.’- thuhet në njoftimin e policisë.
Kjo nuk është hera e parë që shoferi është ndaluar nga policia. Ai është arrestuar edhe në vitin 2019 për drejtim të mjetit në gjendje të dehur.
g.kosovari
