Nga Dritan Hila
Pas një investigimi një mujor të Dritare TV, më së fundmi Sali Berisha, doli të mbronte atë që e quan investimin madhor të qeverisjes së tij, por që në fakt rezulton që është investim që vetëm për shqiptarët nuk vlen.
Me një skenar që dukej se ishte shkruar në zyrat e marrëdhënieve për publikun të TAP dhe që Berisha vetëm e recitonte, ai iu shmang problemit kryesor që ka kjo sipërmarrje: Mungesën e pagesës së taksës së transitit, shtetit shqiptar.
TAP me gojën e Berishës, sqaronte sesi ka bërë ca rrugë një kalimshe që tani pas ndërtimit vlejnë vetëm për mirëmbajtjen e tij; ka rregulluar ca nevojtore në fshatra që tashmë nuk banohen; dhe ka shfrytëzuar fuqinë punëtore vendase për nja dy vjet. Këto i quante përfitime për Shqipërinë, ndërkohë që as i binte krahut pse nuk paguante 100 milionë euro në vit si taksë kalimi.
Pastaj Berisha filloi e tregonte përralla sikur ishte në oxhakun e vilës në Gjirin e Lalzit sesi i kishte mbushur mendjen Allilujevit, Gensherit dhe Erdoganit që TAP të kalonte në Shqipëri, ndërkohë që investigimi i Dritare TV ka zbuluar se kalimi në tokën shqiptare u bë vetëm për shkak të kostos më të lirë, rreth 5 miliard euro që kishte varianti shqiptar krahasuar me atë grek.
Por pyetjes se ku ka shkuar transit fees, pra ku janë ato 100 milionë euro në vit që duhet të merrnin shqiptarët, i ra shkurt, duke thënë se ne e konsideruam veten si pjesë e BE ku kjo taksë nuk paguhet. Nuk ka gënjeshtër më të trashë për shitjen e interesave ekonomike të vendit, ose të plaçkitjes që i është bërë dhe po i bëhet. Me këtë logjikë asnjë vend, as Turqia, Gjeorgjia, Ukraina etj vende ku kalojnë gazsjellës, nuk duhet të marrë taksë transiti. Por në fakt të gjithë marrin dhe e kanë zë të rëndësishëm të buxhetit të tyre.
Dhe gjithë problemi ynë është pikërisht, pse nuk marrin shqiptarët paratë që ju takojnë, pyetje të cilës as TAP dhe as Berisha ende nuk i kanë dhënë përgjigje.
Pastaj gjithë justifikimet e tjera janë garniture për të mbuluar një vjedhje që po ju bëhet ditën për diell shqiptarëve. I tillë është justifikimi se Shqipëria bëhet një nyje e rëndësishme energjetike me kalimin e këtij gazsjellësi në territorin tonë. TAP është i pari dhe i vetmi gazsjellës që do të kalojë në Shqipëri. Serbia po merr gaz nga një degëzim tjetër.
Është gënjeshtër që nga TAP do të furnizohen vende fqinje me ne, pasi sasia që është planifikuar të na shesin në rast nevoje (rreth 500 milionë m3) nuk plotëson as nevojat e Shqipërisë. Madje para se të fillonte ndërtimi i TAP, qeveria Berisha u kujdes që të bëhej skrap i vetmi termocentral me gaz, ai i Fierit.
Askush nuk e shpjegon pse qeveria Berisha nuk kërkoi të shtrihej linjë gazi edhe në Vlorë që të furnizohej termocentrali, i cili ishte ndërtuar dhe po rrinte pa punë.
Është problem tjetër pse nuk është bërë shtrimi i rrjetit të gazit në Shqipëri, pasi kjo nuk është punë e TAP. Problemi që ka TAP është pse nuk paguan taksë transit buxhetit shqiptar? Ose të paktën të na thotë se nëse e paguan, kujt ia paguan? Të paktën TAP të na thotë një fjalë se ku shkojnë paratë. Se që i paguan, kjo nuk ka diskutim. Puna është në cilën llogari i çon.
Kontrata me TAPin eshte krim sgteterir dhe firmosesi duhet te pergjighet penalisht dhe ti sekuestrihet padurua.30 vjet vetem bjedhje dhe nuk u ngopen .Paskemi qene ne fatkeqit ne bote me politiken bastarde