15 mijë bimë kanabis të fshehur brenda një serre me domate të kultivuara janë zbuluar nga policia, falë përdorimit të dronit.
Është sekuestruar në Ragusa të Italisë 6 mijë kg drogë, me një vlerë që shkon në 1 milionë euro.
Plantacioni i kanabisit ishte në një serrë rreth 3500 m2, dhe gjatë operacionit u arrestua Carmelo Gurrieri, 53 vjeç, i hetuar për kultivim marijuane.
Hetimet nisën pas sinjalizimeve se nga disa plantacione vinte erë e fortë marijuane, dhe për të identifikuar zonën, karabinierët përdorën dronin. Para se të ndërhynin ata pritën kultivuesin që ta arrestonin. Ai ka pranuar përgjegjësinë, por nuk ka folur ende për bashkëpunëtorët e tij.
Ndërkaq, bimët e kanabisit të përmasave të ndryshme janë asgjësuar.
a.ç
