Qyteti lindor kinez Qingdao do të kryejë tamponë molekularë në të gjitha produktet e ngrira të importuara, për të përmirësuar parandalimin dhe kontrollin e COVID-19, shkruan Xinhua.
Autoritetet lokale thanë në një konferencë për shtyp të martën se tamponi do të kryhet rregullisht, çdo tre deri në pesë ditë ndaj personelit të angazhuar në ngarkimin, shkarkimin, trajtimin dhe transportin e produkteve ushqimore të importuara në porte dhe dhomat frigoriferike.
Virusi u rishfaq kohët e fundit në Qingdao, ku 13 raste të reja janë konfirmuar deri tani.
Qendra Kineze për Kontrollin dhe Parandalimin e Sëmundjeve (CDC) konfirmoi të shtunën zbulimin dhe izolimin e mostrave të reja aktive të koronavirusit në paketimin e jashtëm të merlucit të ngrirë të importuar në Qingdao, gjatë një hetimi për të gjetur origjinën e infeksioneve të fundit.
