Një video ka dalë në dritë e cila shfaq vrasjen e një gruaje në publik, pasi ajo ishte dënuar nga një gjykatë talibane joformale për vrasjen e burrit.
BBC shkruan se videoja ishte filmuar në provincën Jowzjan një apo dy muaj më parë, sipas zyrtarëve, dhe sapo është shfaqur në mediat sociale, transmeton Gazeta Express.
Turma dëgjon përderisa vendimi jepet para gruas, e cila qëndron ulur në tokë, dhe qëllohet me plumb në pjesën e pasme të kokës. Talibanët nuk kanë komentuar në këtë çështje.
Vrasje të ngjashme në të kaluarën janë dënuar ashpër.
Talibanët zakonisht i kanë ekzekutuar në publik gratë – më së shumti për tradhti bashkëshortore – në stadiumin kryesor në kryeqytetin Kabul, kur ishin në pushtet në Afganistan në vitet 1990-të.
Vitin e kaluar, një grua u ekzekutua me gurë në provincën Ghor, në qendër të Afganistanit pas akuzave për tradhti bashkëshortore.
Në gusht të vitit 2011, një grua dhe një burrë me të cilin ishte arratisur ajo, ishin vrarë me gurë në rrethinën Dashte Archi në provincën Kunduz./a.m.
