Ministri i Shëndetësisë Venko Filipçe ka vendosur të izolohet në shtëpi pasi dje është takuar me kryetarin e Komunës së Kumanovës, Maksim Dimitrievskin, i cili ka rezultuar me koronavirus.
Në një njoftim në Facebook-un e tij, Filipçe shkruan se ai i ka respektuar të gjitha masat e sigurisë megjithatë do të izolohet në shtëpi derisa të dalin rezultatet e analizave.
“Pas informatës se kryetari i Komunës së Kumanovës, Maksim Dimitrievski i cili dje mbajti mbledhje të shtabit të krizës në Kumanovë, ku mora pjesë dhe unë, është pozitiv në Kovid-19, prej sot unë do të jem në izolim shtëpiak. Në mbledhje kam respektuar të gjitha protokollet dhe kam mbajtur pajisje mbrojtëse sikurse edhe gjithë të tjerët. Pres epidemiologët nga Instituti i Shëndetit publik të cilët do të kryejnë anketat epidemiologjike mua dhe funksionarëve të tjerë të qeverisë të cilët ishin prezent në mbledhjen e djeshme. Deri në marrjen e vlerësimit epidemiologjik dhe udhëzimeve për verimet e mëtejme, mbetem në izolim shtëpiak”, ka shkruar Venko Filipçe.
Mediat maqedonase deklaruan sot lajmin se kryetari i Komunës së Kumanovës, Maksim Dimitrievski ka konfirmuar se është infektuar me Covid-19. Deri më tani Maqedonia e Veriut ka shënuar 974 të infektuar dhe 45 viktima.
g.kosovari
